11.11.11

Sé d'un país

d'agua y cumal,

onde añeren

biesca, sable y pumar.

Y el vientu nordés,

vieyu son mariñán,

vien a decime'l so nome,

sele

NUBERU (cantar del regresu)

El nordés ye el vientu que vien del noreste. Para mi que  ñaci a l'oriella del Mar Cantabricu, magar que lleve la tercera parte de la mio vida viviendo  fuera, esti vientu traeme bonos recuerdos y por eso entamé con una estrofa de Nuberu.

 Magar nun lo parezca a priori, esti debe de ser un blog pa falar de atletismu, o más bien de carreres populares. Costome algamar un nome  porque nun quería utilizar ni la palabra Running, ni tampocu el verbu correr y sus derivados  por ser demasiado típicu y previsible , asina que buscando  daque más personal   finalmente decidime por esti nome.

 El vientu nun conoz llendes, cruza montañes y trespasa rios, recorre grandes distancies y nun se cansa pel camín . Nel fondu esa ye la idea del corredor pero a una escala muncho menor. Correr cada vegada un pocu más rapido, dir un poco más lloñe, cansase menos corriendo lo mismu........ser comu esi vientu nordés que llega a Asturies dende los mares del norte.

Guei entama esti proyeutu personal, que poquin a poucu y sin pretensiones dirá tomando forma. Ye la mio manera de contar lo que siento, lo que pienso y lo que espero de les carreres , dende la perspectiva de un modestu corredor popular que comenzo a correr na primavera d'esti añu 2011, pero ya tendré tiempu de contar eses coses nel futuru.

Salú ya dixebra.