Quiciabes seya por correr tan cerca del puertu Payares, pero güei apetezme escribir na llingua llariega del País.
Camín de Ciñera entama a ñevar y el mio collaciu Joaquín que ya vien tocau de casa y con unes decimes de fiebre decide nun correr, de xeitu que esta vegada tócame a mi solu dexar altu'l pabellón.
Unos 250 corredores preparaos en la salida y un recorridu per estrechu nos primeros metros son una combinación peligrosa, por lo que opto por salir alantre (sobre el puestu 30) col fin de evitar sustos y nun quedar atrapau como nel cross anterior. A los 500 o 600 metros y casi de manera instintiva, baxu el ritmo y procuro dir con cuidau, tratando de reconocer un circuitu que tien ñeve, xelu, barru y yerba, combinau con constantes subides y baxades (30 metros de desnivel acumulau per vuelta), el pasu d'un ríu y un firme irregular en delles zones. Esta combinación de factores faen que dalgunes zones tean resbaladices, especialmente les baxaes que tan en zones de solombra y provocan que delante mia caigan al suelu 3 corredores, lo que tomo como un avisu pa navegantes.
Y ya en carrera decir que queda completamente demostrau, que al final se compite como se entrena y si unu entrena faciendo CACOS (caleyar-correr-caleyar) en vez de corriendo , cuando ta en competición y les piernes protesten, la tiesta mandate parar, y al final acabes caleyando. Lo bueno ye que si pares de vez en cuandu, refrigeres el motor y cuando arranques tas más descansau, por lo que consigues caltener un ritmu mediu de carrera bastante aceptable.
Tres la primera vuelta de reconocimientu, y una vez controlaes les zones susceptibles de ser peligroses, entamu a guardar fuerces, tratando de coyer un ritmu afaiyu de carrera, y pensando que si ya la primera vuelta tengo que parar, los 8 km previstos van faceseme muy llargos.
Ensin embargu, a medida que voy corriendo voy atopandome meyor, de xeitu que llego a la cabera vuelta bastante enteru, especialmente dende que entramos nel camín de tierra (que taba completamente cubiertu de ñeve) y aprovechando que hai una lixera pendiente para baxu y que namas queda un kilometro más o menos , aumento la velocidá y consigo adelantar a otros 3 o 4 corredores, consiguiendo entrar en meta con muncha fuerza y disfrutando cada vegada más d'esti fantásticu deporte que ojala nunca se convierta en NEGOCIU.
En meta, completé los 7.900 metros nel puestu 50 de la clasificación xeneral (sobre 251 inscritos en la salida), con un tiempu total de 36':14" (a una velocidá media de 4'35" por km).
En categoría Senior fice'l puestu 30, a 7'50" del ganador Enrique Fernandez Piñero que fizu 28':24".
Agora toca descansar completamente 15 díes y a partir del 15 de Febreru entamaremos a preparar la carrera de montaña del Altu Sil.
No hay comentarios:
Publicar un comentario